دفتر : اشعار آذری ترکی مهدی نجفلو

تاریخ ایجاد : 14/11/1398 - 13:7

کئچن گونلر

نا شکری😜😜😜 یادیندان چیخاتما کچن گونلری بیچین وقتی آیران ایچن گونلری یولوب آرپا . بوغدا بیچن گونلری یادیندان چیخیب طویله ده چیمّه گین؟ و یا چیلپاق آت ائشّگه مینمه گین؟ ———————————————- زومار تکجه بیر (کَندی )اون بیر قالاخ و یا طوله ده بیر گامیش بیر بالاخ چوخ اولسیدی شاید بیر آت یا اولاخ یاشاردی بوتون خلقیمیز خان کیمین سویردی هامی بیر بیرین جان کیمین ———————————————- او آئینه تک صاف ئورکلر هانی او تندیرده پیشمیش چورکلر هانی او قارلار یاغیشلار کولکلر هانی نه گلدی او پاکیزه انسانلارا؟ او الله سوون دوز مسلمانلارا ————————————————— هامی دوزگون انسان هامی اهل دین اورکلرده اولمازدی بیر ذرّه کین جماعتده ساتمازدیلار بیر بیرین هامی با محبت هامی با صفا هامی با صداقت هامی با وفا ————————————————— نه گونلر کی هر گون اوجاخلار دولی محبتله ائستی قوجاخلار دولی سخاوتله دائم بوجاخلار دولی همیشه تردد همیشه قوناخ اولاردی مگر سالاّنان قاش قاباخ؟ ————————————————- جماعتده اولمازدی بیر ذرّه غم هامی باهمیدی نه آرتیخ نه کم محبت یاغاردی باشا دم به دم گولردی همیشه ائوزی ملتین چکیر ملت اول گونلرین حسرتین —————————————————- سالاردیخ طویو طولیه انبارا نه بیر لا ابالی نه قلبی قارا چوخو ایندی آغزین بوزور تالارا سالیب اورتیا کیم بو بدعتلری؟ نه پیس یئرده سیندیردی حرمتلری ———————————————— سالاندا یادا تندیری . کرسینی و یا کوفله نی شامبوری ارسینی ناغیلاّری مکتب خانا درسینی بوتون خاطرات اولدو الدن چیخیب تمدّن بو گونلر چوخ ایولر یخیب —————————————————- مصالح آغاج تاختا پالچیخ سوواخ بوتون قاب قاشیق تلبه تندیر دوواخ کوزه نِهره بایدا بیزحچه اوراخ چکه ریفته یا کارواشان وردنه نه ساخسی بیزح وارنه گوودوش بینه —————————————————- وارییدی نه ماهواره نه تلگرام نه فکر در آمد نه ده فکر وام ائدردی هامی بیر بیره احترام دیوب گولمک اولموشدو خلقین ایشی یریندیدی آغ سقلین ارزشی —————————————————— کیشی اهل غیرت خانیم با حجاب اولاردی جماعتده دوز حق حساب گوزل رسملر دای اولوبدور خراب او گوندن کی آتدی کیشی غیرتی خانیملاردا محو ائیله دی عصمتی ————————————————— داخی زندگانی اولوبدور یالان ساتان چوخدی ایمانی اولسا آلان دوشه درده بو خلقی درده سالان عجب قویدولار داردا بو ملتی کی اتلر اولوب آت اتی ائیت اتی —————————————————- نه گلدی او چایلار بولاغلار باتیب ندن خواب غفلتده ائللر یاتیب ؟ حلالی حرامی جماعت قاتیب گئدیب دور داخی خیری بارداخلارین داخی قالمیوب ذوقی چارداخلارین ————————————————— (نجفلو) اماندی داریخما هله یاتان خلقی اشعاریلن سیلکه له سالا ر دورسا خلق عالمه ولوله دعا ائیله ائللر اویانسین داخی اوزی اوز گوجیلن دایانسین داخی —————————————————- #نجفلو_مهدی


ثبت نظر برای این شعر فعال می باشد .
اجازه نقد شعر در نظرات فعال می باشد .
نظرات این اثر تنها برای کاربران سایت نمایش می یابد .





تعداد آثار : 3     تعداد دنبال کننده ها : 1

تاریخ ثبت نام : 1398/11/14

تاریخ آخرین ورود : 26/3/1399 - 14:16



تماس با ما

آدرس : خیابان ستارخان ، قبل از پل شیخ فضل الله ، کوچه نیلوفر ، ساختمان گلها ، طبقه دوم جنوبی ، واحد 5

تلفن : ۴۴۲۸۰۰۵۸-۰۲۱

فکس : ۴۸۲۸۰۰۵۹-۰۲۱

ایمیل : info@hamsoraei.com
آمار بازدید

امروز : 3

دیروز : 4

هفته پیش : 35

کل : 3918

هم سرایی(اقتراح) نوعی سخن منظوم ِ مبتنی برمشارکتِ ذوق ها وقریحه ها حولِ یک اندیشه یا خیال شاعرانه است که ازسوی یک تن پیشنهادمی شود وبه فعالیتِ خلّاقانه ی جمعی می انجامد.به سخنی دیگر،این شیوه سخن، سُرایشی جمعی وهم خیالیِ گروهی با درونمایه ومضمونی یگانه است.

 

تمام حقوق برای سایت همسرایی محفوظ است. 1398