دفتر : اشعار آذری ترکی مهدی نجفلو

تاریخ ایجاد : 15/11/1398 - 17:49

نه لر اولدی

دور گؤرنه لراولدی😔🌹❤️ سن گؤرمه دین آدم بابا دور گؤر نه لر اولدی گاز گلدی بیزیم کندیمیز آخر شَهَر اولدی چله گجه سی یوخدو خبر بارداغیمیزدان شادلیق یغیشیب گؤرنه یامان چارداغیمیزدان غم غصه یاغیر هی سولوموزدان ساغیمیزدان یوخدور او قدیمکی اتیمیزدن یاغیمیزدان افسوس او کچن خاطره لر بی ثمر اولدی گاز گلدی بیزیم کندیمیز آخر شهر اولدی تندیر یغیشیلدی اوجاغیندا آدی قالدی تندیر آشینون بیرجه آغیزدا دادی قالدی کتدن او زامان کوچدی هامی هرزادی قالدی کتلرده اونو ن کی چاراسی اولمادی قالدی دنیا ولی فیرلاندی گؤرورسن نه لر اولدی؟ گاز گلدی بیزیم کندیمیز آخیر شَهَر اولدی غم باسدی اورکدن داخی بیرکس گوله بیلمیر دیلدن کدری غصّه نی ائللر سیله بیلمیر اؤز خیرینی یا شرّینی چوخلار بیله بیلمیر انسانلیق اؤلوبدور نیه انسان ئؤله بیلمیر! هر گون کی کچیبدور گونی گوندن بَتَر اولدی گاز گلدی بیزیم کندیمیز آخیر شَهَر اولدی قالدیخ بو شَهَرده نجه گؤر صاف جانا حسرت شور جورتانا قیماق کریه آیرانا حسرت بیر ایستی دوشَک قلبه یاتان یورقانا حسرت حسرتدی بوتون زنده گیلر یان یانا حسرت خوش گونلریمیز دؤندی گؤرورسن زَهَر اولدی گاز گلدی بیزیم کندیمیز آخیر شَهَر اولدی بوندان بئله کتلرده قوناخ داشلاناجاخدی ائللر آرا خرمن داواسی باشلاناجاخدی چوخ یئرده اوجاخلار بولونوب قاشلاناجاخدی گئتدیکجه هله ایشلریمیز یاشلاناجاخدی وجدان ائولوب انسانلیقا گویا ضرر اولدی گاز گلدی بیزیم کندیمیز آخیر شهر اولدی گاز گلدی دوشوب گؤزدن آخیر اوچدی قالاخلار نه کَرمه نه یاپبا نه قدیمکی یاناجاخلار گاز گلمه سه بیر گون هامی معطل قالاجاخلار دای هانسی خانیملار آخی تندیر سالاجاخلار؟ آرواد خانیم اولسا بیلون ایشلر خطر اولدی گاز گلدی بیزیم کندیمیز آخیر شَهَر اولدی فکریم داغیلیبدور داخی آغزیمدا داد اولماز آغزیندا دادی اولمیانین قلبی شاد اولماز ائل بوشلاسا اؤز یوردونی کی یؤرد آباد اولماز شیرین دیلینه قالسا.اوشاخلاردا یاد اولماز ائللر توکولوب چوللره دیل در بدر اولدی گاز گلدی بیزیم شهریمیز آخیر شَهَر اولدی ائللر ندن آتدی باشین آخیر بئله یاتدی؟ بو یاتماغیمیز باعث اولوب ایشلری قاتدی باشیندان او کسلر کی ائلین فکرینی آتدی اؤز ئؤلکه سینی اؤز دیلینی اؤزگیه ساتدی! دنیاده ئؤزی گولمه دی دائم مَلَر اولدی گاز گلدی بیزیم کندیمیز آخیر شَهَر اولدی ائل اولماساشاعیرکی جوشوب یااَسَه بیلمز ائل شاعیری اؤز اولفتین ائلدن کَسَه بیلمز اؤز شاعیرینی تک قویوب ائلده کوسه بیلمز ائل قدرینی هر شاعیر اگر بیلمه سه بیلمز_ ائل زنده دی . اؤز سوزلریدی بی ثَمر اولدی گاز گلدی بیزیم کندیمیز آخیر شَهَر اولدی بیر اودّی تمدن بیزی دیلدن سالاجاخدی انسانلیقی اخیر الیمیزدن آلاجاخدی ائللر هامیسی پیس گونه بیرگون قالاجاخدی عمرون چاناغین ظلمیله داشه چالاجاخدی فعلا دییروک بس هله شقّ القمر اولدی گاز گلدی بیزیم کندیمیز آخیر شَهَر اولدی بیر باشدی آذربایجانیمیز نقشه ده ای جان عشقیله (#نجفلو ) یازاجاخ آدینا دیوان پیکردی آذربایجانا آباد اولا ایران جانیم اولا مین مختلف اقوامینه قربان وحدتله بیزیم ایرانیمیز معتَبَر اولدی گاز گلدی بیزیم کندیمیز آخیر شَهَر اولدی #نجفلو_مهدی


ثبت نظر برای این شعر فعال می باشد .
نظرات ثبت شده این اثر نیاز به تایید صاحب اثر دارد .
اجازه نقد شعر در نظرات فعال می باشد .
نظرات این اثر تنها برای کاربران سایت نمایش می یابد .





تعداد آثار : 3     تعداد دنبال کننده ها : 1

تاریخ ثبت نام : 1398/11/14

تاریخ آخرین ورود : 26/3/1399 - 14:16



تماس با ما

آدرس : خیابان ستارخان ، قبل از پل شیخ فضل الله ، کوچه نیلوفر ، ساختمان گلها ، طبقه دوم جنوبی ، واحد 5

تلفن : ۴۴۲۸۰۰۵۸-۰۲۱

فکس : ۴۸۲۸۰۰۵۹-۰۲۱

ایمیل : info@hamsoraei.com
آمار بازدید

امروز : 4

دیروز : 4

هفته پیش : 14

کل : 3920

هم سرایی(اقتراح) نوعی سخن منظوم ِ مبتنی برمشارکتِ ذوق ها وقریحه ها حولِ یک اندیشه یا خیال شاعرانه است که ازسوی یک تن پیشنهادمی شود وبه فعالیتِ خلّاقانه ی جمعی می انجامد.به سخنی دیگر،این شیوه سخن، سُرایشی جمعی وهم خیالیِ گروهی با درونمایه ومضمونی یگانه است.

 

تمام حقوق برای سایت همسرایی محفوظ است. 1398